ગાય આધારિત કુદરતી ખેતી, ગ્રામ વિકાસ, ગામ સ્વાવલંબન વગેરે જેવી પ્રવૃતિઓ દ્વારા આ ટ્રસ્ટ પર્યાવરણ અને વિકાસ વચ્ચે સુમેળ અને સાચા વિકાસનું મોડેલ પ્રદાન કરવા પ્રતિબદ્ધ છે. આ ટ્રસ્ટ ભારતના પરંપરાગત અને સાંસ્કૃતિક જ્ઞાન આધારથી વર્તમાન સમસ્યાઓને કેવી રીતે હલ કરી શકાય તે દિશામાં વિચારી રહ્યું છે અને વ્યવહારુ પ્રયોગો કરી રહ્યું છે.

સંસ્થાના મેનેજીંગ ટ્રસ્ટી શ્રી મનોજભાઈ પી. સોલંકી સ્પષ્ટ અભિપ્રાય ધરાવે છે કે દેશી ગાય આધારિત કુદરતી ખેતી જ વિશ્વની તમામ સમસ્યાઓમાંથી બહાર આવવાનો એકમાત્ર રસ્તો છે. આ વિચારને ધ્યાનમાં રાખીને, ટ્રસ્ટમાં દર મહિને 12, 13, 14 ના રોજ દેશી ગાય આધારિત કુદરતી ખેતી પર 3 દિવસીય મફત તાલીમ કાર્યક્રમનું આયોજન કરવામાં આવે છે. આ શ્રેણીનો 102મો તાલીમ કાર્યક્રમ 12 થી 14 મે 2024 દરમિયાન પૂર્ણ થયો હતો.